СКАНДАЛ ВО РПЦ: Протекоа експлицитни фотографии од двајца епископи, патријархот ги праќа на црковен суд

Со одлука на патријархот Московски и на цела Русија, г.г. Кирил, епископите армавирско-лабински Игнатиј Бузин (47) и костомукшко-кемски Игнатиј Тарасов (44), се исклучени од управувањето со своите епархии и ќе бидат изведени на црковен суд, соопштено е на официјалната страница на Руската православна црква (РПЦ).

Во одлуката се говори за пораки кои содржат документирани докази против споменатите епископи за црковни кривични дела.

Решението на патријархот не содржи податоци за што точно станува збор.

Меѓутоа, руските медиуми уште на почетокот на мај објавија, а деновиве и дополнително го проширија спектарот на „пикантни“ писма и фотографии за начинот на живот на двајцата владици, кои, доколку материјалите се автентични, правеле големи гревови.

Епископот Игнатиј Бузин наводно е фотографиран за време на хомосексуален однос. Меѓу објавените материјали наводно се наоѓаат и докази за геј-активностите на епископот Игнатиј Тарасов, како и на негови блиски соработници од неговата епархија.

Поранешен ипоѓакон, кој жвеел во куќа во близина на Соборниот храм во Костомукши, град кој се наоѓа на 35 километри од руско-финската граница, сведочел за систематското злоставување врз него и врз други млади луѓе. Раскажал за „пијани“ литургии и користење нецензурирана лексика за време на литургиите, кои, пак, обично завршувале со хомосексуални оргии.

Жил-был поп – Карельского епископа подвели деньги, джип и молодые священникиhttps://t.co/YheMe8vuAC
18 мая Патриарх Московский и всея Руси Кирилл своим решением отстранил епископа Костомукшского и Кемского Игнатия (Тарасова) от управления вверенной ему епархии. В указе предст… pic.twitter.com/Rr4c32iQRv

— Версия (@VersiaRu) May 25, 2020

Како што пренесуваат руските медиуми, постарите клирици сексуално ги искористувале помладите, користејќи „административни ресурси“ и техника на психолошка манипулација во однос на подредените.