Надгробна плоча „никна“ на улица во Волково (ФОТО)

На Фејсбук страницата „Ѓорче Петров“ денеска беа објавени неколку фотографии кои говорат за една несекојдневна ситуација. Како што е наведено во објавата, станува збор за улицата 31 во скопската населба Волково, којашто деновиве била асфалтирана и на која „никнала“ надгробна плоча.

„Улица 31, Волково. Останува нејасно зошто е ставена? Кој ја ставил? Чија е оваа плоча? Ги контролира ли некој работниците? Кој ќе понесе одговорност?“, се само дел од прашањата што ги поставува администраторот на Фејсбук страницата на која се објавени фотографиите.