Тестот за коронавирус на премиерот Спасовски е негативен
„Согласно препораките на епидемиолозите, премиерот Спасовски останува и понатаму во изолација во домашни услови и најдисциплинирано ќе се придржува до препораките и советите на лекарите“, се вели во соопштението.
Претседателот на владата Оливер Спасовски има негативен резултат од тестот за коронавирус, соопшти владината прес-служба.
„Согласно препораките на епидемиолозите, премиерот Спасовски останува и понатаму во изолација во домашни услови и најдисциплинирано ќе се придржува до препораките и советите на лекарите“, се вели во соопштението.
Оттаму додаваат дека во наредните денови во домашна изолација, премиерот Спасовски преку дигитални алатки ќе ги извршува сите активности поврзани со водењето на Владата во услови на вонредна состојба.
Премиерот Спасовски апелира да се почитуваат мерките за физичка дистанца, за носење заштитни маски и да се избегнуваат групирања.