„ВЛАДИМИР, ПРЕСТАНИ!“ Трамп не е задоволен од руските напади врз Киев
Претседателот на САД, Доналд Трамп, изрази незадоволство од најновите руски напади врз Киев, оценувајќи ги како непотребни и несоодветни во овој момент. Тој посочи дека секоја недела животите ги губат околу 5.000 војници и дека е време да се постигне мировен договор.
Претседателот на САД, Доналд Трамп, на социјалната мрежа Трут соушл (Truth Social) го повика рускиот претседател да запре со нападите врз Киев.
„Не сум задоволен со руските напади врз Киев. Непотребни се и се во многу лош момент. Владимир, запри! Неделно гинат по 5.000 војници. Да го завршиме мировниот договор!“, напиша Трамп на својата социјална мрежа.
Русија утринава го нападна Киев со голем број дронови и ракети. Според украинските власти, Русија истрелала 215 дронови и проектили, при што загинаа 9 лица, од кои 6 деца, а 70 се повредени.
Можеби ќе ве интересира
Поради рускиот напад врз Киев, украинскиот претседател Володимир Зеленски ја прекина посетата на Јужна Африка. Според него денешниот руски напад е „несомнено еден од најтешките и најтешките досега“.