📽️ ВАРДАР ЈА ВРАТИ ТИТУЛАТА ВО СКОПЈЕ Пелистер „потона“ во „Јане Сандански“
„Црвено-црните“ го декласираа Еурофарм Пелистер со 34-19 и на три кола до крајот ја обезбедија 16-тата шампионска титула. Битолчани допатуваа со комбиниран состав, а „Чкембари“ не се појавија во „Јане Сандански“.
РК Вардар повторно е шампион на Македонија. „Црвено-црните“ вечерва го прегазија Еурофарм Пелистер со убедливи 34-19 во меч што воопшто не наликуваше на дерби.
Титулата по три години пауза повторно се враќа во Скопје.
Пелистер дојде со втор состав
Битолчани настапија со комбиниран тим, а Вардар тоа максимално го искористи. Домаќините уште од стартот наметнаа силно темпо и на полувреме водеа со 18-12.
Во второто полувреме разликата само растеше.
„Чкембари“ ги немаше, имаше порака
Гостите немаа ни организирана поддршка од трибините.
На местото каде обично стојат „Чкембари“ се појави транспарент со порака:
„Одј..бете“.
Пораката беше насочена кон слабите игри на тимот сезонава.
16-та титула и двојна круна
Со новите два бода Вардар стигна до недостижни осум бода предност пред Охрид на три кола до крајот.
Ова е 16-та шампионска титула за клубот.
Вардар сезонава ја освои и двојната круна, откако претходно триумфираше и во Купот.
Најефикасен кај Вардар беше Урош Митровиќ со седум гола.
Јака Малус додаде 6 погодоци, а голманот Гогов имаше 4 одбрани, од кои 3 седмерци.