📽️ СО БАГЕР ГО УРНА ВЛЕЗОТ НА ВЛАДИНА ЗГРАДА ВО КИНА Вработените се испаничиле, полицијата интервенирала
Вработените панично бегале и биле брзо евакуирани од зградата. Во нападот нема повредени.
Маж на возраст од 47 години со багер го урнал влезот на владина зграда во кинескиот град Сиан, по што полицијата го совладала за неколку минути. Нападот се случил во понеделникот околу 11 часот, пред Центарот за владини услуги во квартот Фенгдонг.
Според полициското соопштение, осомничениот со презиме Ху намерно удирал со багерот во предниот дел на зградата. Ја урнал влезната конструкција и оштетил дел од стаклената фасада.
На снимките објавени на социјалните мрежи се гледа како багерот неколкупати замавнува со големата лажица кон објектот, додека вработените и минувачите бегаат.
Персоналот бил евакуиран веднаш по првиот удар. Нема повредени или загинати.
Полицијата пристигнала за неколку минути, го совладала возачот на самото место и го привела. Против него се преземени кривични мерки, а истрагата треба да ја утврди и материјалната штета.
A man in China drove an excavator into a government service centre in Shaanxi and spent about an hour tearing off its entrance while nobody dared stop him.
@grok was this really about one man’s farm payout, or villagers still waiting for their relocation money? https://t.co/WDGDqCuwwS— Worth a Look (@Jinfeng_tlqm) November 10, 2026
Дел од меѓународните медиуми, повикувајќи се на локални извори, наведуваат дека нападот можеби е поврзан со долгогодишен спор околу неисплатени финансиски надоместоци.
И покрај оштетувањата, Центарот за владини услуги продолжил со работа уште истото попладне, користејќи ги споредните влезови.
Кинеските интернет-цензори во меѓувреме отстраниле голем дел од видеоснимките и коментарите за нападот од домашните дигитални платформи.