ШТО ЗАГОВАРАЛЕ ПРОФЕСОРИ НА СОСТАНОК ВО НОВИ САД? Брнабиќ вели дека некој спрема државен пуч

Претседателката на Националното собрание Ана Брнабиќ на прес-конференција коментираше снимки од српските медиуми од студентски состанок во Нови Сад на кој наводно студентите од Движењето за слободни граѓани планираат преодна влада по најавениот голем протест в сабота.

– Како претседателка на Собранието, почувствував потреба да се осврнам на објавувањето на синоќешните снимки во кои се повикува на државен удар. Делот за Универзитетот во Белград беше особено шокантен за мене. Најшокантно во видеото беше улогата на Белградскиот универзитет. Марија Васиќ, професорка која учествуваше на состанокот, ниту еднаш не ги предупреди студентите дека тоа што го прават е планирање државен удар. Нивната цел е воен удар и државен удар – изјави Брнабиќ.

Додека растат стравувањата за големиот протест најавен за в сабота, десетици трактори го опколија Пионерскиот парк пред Националното собрание во поддршка на мала група студенти кои поставија шатори во контрапротест на своите колеги.

Националниото собрание денеска ги затвори вратите за пратеници и ќе биде затворено до понеделник поради најавената 72-часовна блокада на Белград.

– Моето прашање е кој во името на Белградскиот универзитет учествуваше во обидот за пуч и државен удар и поттикнување граѓанска војна? Кој ѝ потврди на Марија Васиќ дека војската ќе излезе на улица? Која е улогата на Универзитетот во Белград во планирањето на пучот? Кој пријавил дека војската ќе биде подготвена и ќе дојде на нивен повик? Затоа ли пленумите и универзитетските блокади? Дали затоа ја формиравте т.н. експертска работна група? Скандализиран сум што Универзитетот во Белград до синоќа не се огласи. Автентичноста на снимката ја потврдија и од Движењето на слободни граѓани – рече претседателот на Собранието.