📽️ СЕ ПОЗДРАВИЛ СО УБИЕЦОТ КОЈ ПОТОА ГО ЗАСТРЕЛА ОД ЗАД ГРБ Брутално убиство во кафуле во Белград

Дарко Весковиќ (46), познат како Прика, беше убиен денес околу 16 часот во кафуле во Кумодраж, а друг маж беше ранет. Напаѓачот веднаш по пукањето го избегал во непознат правец, полицијата го бара.

Неколку полициски возила се на местото на настанот, а форензичките експерти спроведуваат истрага во самото кафуле. Според српските медиуми, нема видливи траги од пукање околу самото кафуле.

На социјалните мрежи се појави вознемирувачко видео од убиството. На него може да се види дека Весковиќ станал да се поздрави со засега непознат маж, кој влегол во кафулето во тој момент, му ја подал раката, а кога се свртел да се врати на масата, напаѓачот извадил пиштол и испукал куршум во главата од половина метар оддалеченост.

Потоа, пред да истрча од кафулето, убиецот испукал неколку куршуми кон пријателот на Весковиќ, Вук М. (49), кој седел на масата, при што потешко го ранил. Видеото покажува дека во кафулето имало многу гости и дека е среќа што никој друг не е повреден.

Вознемирувачко видео, линкот ТУКА.

Полицијата ја започна операцијата „Вихор“ и трага по крупен човек во црна маица и капа.

Весковиќ беше на судење за убиството на Блаж Ѓуровиќ во Душановац. Ѓуровиќ беше убиен на 10 март 2018 година во Душановац пред семејната куќа, додека неколку дена подоцна полицијата ги осомничи Весковиќ и Немања Иванов за убиството. Весковиќ во тоа време не им беше достапен на истражните органи, па затоа по него беше распишана потерница од Интерпол. Тој беше уапсен на почетокот на април 2018 година на улица во Загреб откако српската полиција им даде информации на нивните колеги во Хрватска. Иванов беше уапсен кратко пред Весковиќ.

Весковиќ наводно бил близок до Шкаљарски клан и близок соработник на Лука Бојовиќ и Филип Кораќ, додека Ѓуровиќ, како што претходно објавија медиумите, се сметал за член на соперничкиот Кавачки клан.