СДСМ И ДУИ Ѝ ОСТАВИЛЕ ТРИ ПАТИ ПОВИСОК ДОЛГ И ОБВРСКИ НА ОВАА ВЛАДА Мицкоски вели дека тоа го признал советникот на Тевдовски, Бранимир Јованивиќ

Премиерот Христијан Мицкоски, денеска, во коментар на интервјуто на Бранимир Јовановиќ, поранешен висок функционер од СДСМ, рече дека тој самиот признал дека додека на власт била владата на СДСМ и ДУИ, за трипати се зголемени долговите и обврските, кои сега оваа Влада ги плаќа.

– Дадено е интервју пред некој ден за медиум што важи за близок до опозицијата, во кое советникот вели вака: Кога дојдовме ние во Министерството за финансии, заедно со тогашниот министер Драган Тевдовски, каматите што ги плаќавме на долгот беа 120 милиони евра, a во 2026 година каматите што оваа Влада ги плаќа се 350 милиони евра. Значи, самиот тој признава дека за ѝ. Тоа е нешто што претставува признание на отворена сцена од страна на поранешен висок функционер на владата на СДСМ и ДУИ, кој претходно беше во политичката партија Левица, па како голем финансиски експерт беше дел од тимот на министерот Тевдовски – рече Мицкоски.

Премиерот додаде дека Јовановиќ признал дека 2017 во споредба со 2026 година е три спрема еден во делот на каматите, а тоа е, како што вели, „долгот што го оставила тогашната влада – владата на СДСМ и ДУИ, и долгот што го плаќа оваа Влада, која го наследи од владата на СДСМ и ДУИ“.

-​ Тука нема да навлегувам во егзибициите на нивната фискална политика кога стануваше збор за прогресивните даноци, кога ја уништија буквално македонската економија. Нема да зборувам на темата солидарен данок, кој ние го враќаме, а кој тие буквално го ограбија од македонската економија. Еве тоа ќе го оставам на страна, тие се тие марихуана економски политики – рече Мицкоски.