ПУТИН ЗАПОЧНА СО ЛОВ НА МАНЕКЕНКИТЕ ОД „ONLYFANS“ Кремљ со казни ги штити „традиционалните вредности“

Една руска ѕвезда на „OnlyFans“ за малку избегна затворска казна, но беше осудена на парична казна од 60.000 долари и тригодишна забрана за користење интернет, во услови на пресметката на претседателот Владимир Путин со порнографијата.

Софја Вершинина (21) беше прогласена за виновна за производство и дистрибуција на сексуално експлицитни видеоснимки на интернет, пред суд во Москва, Русија.

Во услови на пресметката на Путин со она што се смета за нетрадиционални вредности и неговата борба против порнографијата, обвинителството побара ѕвездата на „OnlyFans“ да биде осудена на три и пол години во руска казнена колонија, пренесе Њујорк пост.

 

Russian OnlyFans model avoids prison in Vladimir Putin’s war on porn – but gets 3-year internet ban https://t.co/L91NUX4z7y pic.twitter.com/sJWZSykkdN

— New York Post (@nypost) August 1, 2026

Сепак, откако признала вина и изразила каење, на 21-годишната манекенка ѝ била изречена условна затворска казна од три години. Казната може да биде преиначена доколку таа ги прекрши условите од пресудата.

Иако избегна издржување затворска казна, на Софја Вершинина ѝ е наложено да плати 60.000 долари, а користењето интернет ѝ е забрането во следните три години. Таа нема да може да го води својот дигитален бизнис со содржини за возрасни, ниту да се појавува на интернет.

Вершинина, позната и под псевдонимот Соња Мармеладова, за кој се претпоставува дека е инспириран од длабоко религиозната и пожртвувана измислена млада жена од познатиот роман „Злосторство и казна“ на Фјодор Достоевски од 1866 година, наводно заработила повеќе од 400.000 долари продавајќи експлицитна содржина, според руските обвинители.

 

Baza reports that Russian adult content performer Anastasia Ovsyannikova, better known by the stage name Nastya Kholod, has been placed under house arrest in Moscow on charges related to the production of pornography.

According to the outlet, Ovsyannikova previously appeared in… https://t.co/KbhyjXxxzy pic.twitter.com/5J602YHfA9

— Brian McDonald (@BrianMcDonaldIE) June 22, 2026

Атрактивната ѕвезда продавала интимна содржина и преку апликацијата за размена на пораки Телеграм, додека живеела во луксузен пентхаус во облакодер во руската престолнина.

Нејзиниот златен „iPhone 16 Pro Max“ и понатаму е запленет и се наоѓа кај истражителите, додека колекцијата сексуални играчки и додатоци, кои претходно биле запленети како доказен материјал во случајот, ѝ биле вратени.

Вершинина е само една од повеќето руски манекенки против кои Кремљ покрена постапки откако Путин нареди национална пресметка со нелегалната порнографска индустрија во земјата.

Друга манекенка од „OnlyFans“, 27-годишната Дијана Шуригина, моментално се наоѓа во притвор и го чека судењето. Според извори, случајот против Шуригина е поврзан со „интимна содржина“ што наводно им ја продавала на претплатниците на „OnlyFans“.

Креаторката на порнографска содржина Анастасија Овсјаникова (24), позната под уметничкото име „Настја Холод“, исто така е притворена поради сомнение дека незаконски произведувала и дистрибуирала порнографска содржина.

 

RUSSIA SOCIAL MEDIA CRACKDOWN

🇷🇺 Anastasia Ovsyannikova, 24, known under the stage name Nastya Kholod, was also held on suspicion of illegal production and circulation of pornographic materials.

She and Diana made adult content for OnlyFans together and separately.

Alleged… pic.twitter.com/HqNAq1Gmav

— Sid (@Trending_Sid) August 9, 2026

„Во Русија почнаа да се покренуваат кривични постапки поради порнографија на ‘OnlyFans’“, објави Сан, повикувајќи се на претходен извештај на „Москов тајмс“.

Додека извештаите наведуваат дека истражителите во Русија под власт на Путин „презеле одговорност за порноиндустријата“, правни експерти предупредуваат дека оваа пресметка би можела дополнително да се прошири, имајќи ја предвид политиката на претседателот за спроведување на таканаречените „традиционални вредности“.