МЕЛИНДА ГЕЈТС РАСКАЖА ЗА РАЗВОДОТ СО БИЛ ВО МЕМОАР Проблемите започнале две години пред свршениот чин

Мелинда Френч Гејтс, поранешната сопруга на милијардерот Бил Гејтс, отворено проговори за разводот во својата книга „Следниот ден“ (The Next Day). Имено, таа вели дека сѐ почнало да се одвива во тајност една до две години пред официјалната потврда за разводот.

Мелинда зборуваше за тоа и за списанието „Пипл“ (People), па ги сподели своите емоции и искуства во тој тежок период.

„Проблемите во бракот почнаа да се манифестираат веќе во 2019 година, кога почнаа кошмарите за уривање на прекрасна куќа. Подоцна сфатив дека тие знаци од мојата потсвест укажуваат на проблеми во бракот. Овој чекор беше дел од мојот личен процес којшто вклучуваше и терапија, што пак, е одговор на предавствата во нејзиниот брак и начин да не се изневерам себеси – истакна таа.

На крајот на 2020 година, додека била на одмор во Ново Мексико, Мелинда ја донела клучната одлука. Последната ноќ од тоа патување, таа му кажа на Бил дека сака да живее одвоено и дека ќе се пресели кај нивната најмлада ќерка Фиби.

Мемоаристката го опиша овој разговор како еден од најтешките во својот живот, но Бил, вели таа, ја сфатил нејзината одлука.

„Морам да бидам искрена со Вас: Никогаш не очекував да напишам ваква книга. Но, сепак, многу работи ми се случија во мојот живот во последно време, и што не ги очекував. Оваа книга ми е блиска и драга на моето срце бидејќи се работи за некои од најобликувачките мигови во мојот живот и за луѓето кои ми помогнаа да излезам од сѐ тоа. Тоа е длабоко лична работа, но сакам да мислам дека читателите ќе се поврзат со многу од она за што зборувам – како навигација во несигурност, отпорност на перфекционизмот, справување со загубата и тагата, пронаоѓање на вашиот внатрешен глас и насочување кон новите можности“, напиша Мелинда на „Инстаграм“.

Мемоарите „Следниот ден“ излегуваат на 15 април, но книгата може да се нарача и резервира и порано.

Бил Гејтс го опиша разводот како една од најголемите грешки во неговиот живот. Иако рече дека има и други грешки, ниту една не му е толку важна како разводот, којшто бил болен и за двајцата. Бил и Мелинда Гејтс се венчаа во 1994 година.

Заедно имаат три деца: Џенифер (28), Фиби (22) и Рори (25). Веста за нивниот развод беше официјално потврдена во мај 2021 година, по 27 години брак. И гласините тогаш говореа дека тие живееле одвоено една година пред тоа.