МБАПЕ НЕ МОЖЕ ДА СЕ ЗАМИСЛИ СЕБЕСИ БЕЗ ВИНИСИУС Детскиот сон на Французинот е исполнет
Мбапе игра за Реал Мадрид од летото 2024. Фудбалерот претходно играше за ПСЖ и за Монако. Седум пати стана шампион на Франција, а заедно со „Кралевите“ го освои и Суперкупот на УЕФА и Интерконтиненталниот куп.
Напаѓачот на Реал Мадрид, Килијан Мбапе ја истакна важноста на Винисиус Јуниор за мадридскиот клуб и за нивната заедничка игра.
– За мене Реал Мадрид е незамислив без Винисиус. Отсекогаш сонував да играм со него и со остатокот од тимот. Вини и јас многу добро се разбираме на теренот, но сепак можеме да ја подобриме нашата интеракција. Од нас се очекува повеќе – и тоа е природно. Има работи повредни од парите. Сонував да играм за Реал Мадрид и да дојдам на „Сантијаго Бернабеу“. Главната работа за мене е да бидам среќен. Никогаш не се сомневав дека еден ден ќе завршам овде. Имав целосна самодоверба и ова е исполнување на детскиот сон – изјави Мбапе за „АС“.
Мбапе игра за Реал Мадрид од летото 2024. Фудбалерот претходно играше за ПСЖ и за Монако. Седум пати стана шампион на Франција, а заедно со „Кралевите“ го освои и Суперкупот на УЕФА и Интерконтиненталниот куп.
Оваа сезона 26-годишниот Французин одигра 46 натпревари на сите турнири, постигнувајќи 32 гола и четири асистенции.