🎥 ПОЖАРНИКАРИ СПАСУВАА ЛУЃЕ ОД АВТОБУС ПОТОПЕН ВО КАЛ И ВОДА ВО АВСТРИЈА Обилните дождови ги претворија улиците во реки

Одрон однесе автобус од локален пат во австриската долина Штанцертал во понеделникот вечерта, објавија австриски медиуми. Покрај возачот, во автобусот имало уште тројца патници, но сите се спасени од пожарникари.

Водата и калта од потокот Хое Рифе на патот достигнале висина од околу 80 сантиметри и продреа во автобусот, што ги принуди членовите на Доброволната противпожарна служба да ги извлекуваат од калта 49-годишниот возач и тројцата патници. Возачот на автобусот, кој бил повреден, е однесен во болница во градот Замс со возило на брза помош, а патниците не биле повредени.

Затрупаниот општински пат остана затворен подолго време. Пристапот до околните населби во областа беше можен само преку заобиколен пат. Патот беше расчистен доцна вечерта, со употреба на тешка механизација.

По обилните дождови, во понеделник се случија неколку одронувања. Камења и кал ги покрија, меѓу другото, државните патишта Б171 и Л68. На патот помеѓу Шнан и Флирш, порој однесе редовен автобус што се движеше низ долината, објавија австриски портали.

Gestern gab es den ersten von drei Unwettertagen.
Bei Schnann (T) wurde ein Bus von einer Mure mitgerissen.
Hagel gab es etwa im Raum Zwettl (NÖ).
Und in Vöcklabruck (OÖ) gab es neben 96 km/h Sturmböen auch Überflutungen im Stadtzentrum.
🎥 Dominik Mair, Wetter-Hausruckviertel pic.twitter.com/MeMquxWpXf

— Manuel Oberhuber (@manu_oberhuber) June 30, 2026