ДИЗЕЛОТ ПОЕВТИН ЗА 7 ДЕНАРИ, А БЕНЗИНИТЕ ВО ПРОСЕК ЗА ОКОЛУ 3,5 ДЕНАРИ Регулаторната комисија за енергетика го објави новиот ценовник

Регулаторната комисија за енергетика (РКЕ) ги намлималопродажните цени на нафтените деривати во просек за 6,61% во однос на одлуката од 15.6.2026 година.

Според оваа одлука цената на бензинот од 95 октани се намалува за 3,50 денари по литар, за на бензинот од 98 октани за 4 денари по литар. Цените на дизелот и на екстра лесното масло за домаќинство на (ЕЛ-1) се намалуваат за 7,00 ден, а на мазутот М-1 НС за 3,932 денари по килограм.

Како што е соопштено, на ваквото намалување на цените влијаело тоа што референтните цени на нафтените деривати на светскиот пазар во споредба со претходната пресметка бележат намалување и тоа во просек: кај бензините за 8,216%, кај дизелот за 12,699%, кај екстра лесното масло за 12,354%  и кај мазутот намалувањето е за 11,352%.

Курсот на денарот во однос на доларот, кој е еден од критериумите за цената на горивата, во изминатиот период по кој беа формирани цените со претходната пресметка е понизок за 0,0396%.

Според тоа од вечерва на полноќ ќе важат следните цени:

Моторен бензин         ЕУРОСУПЕР БС – 95                     84,00  (денари/литар)

Моторен бензин         ЕУРОСУПЕР БС – 98                     86,00  (денари/литар)

Дизел гориво               ЕУРОДИЗЕЛ БС (Д-Е V)             80,50  (денари/литар)

Масло за горење         Екстра лесно 1 (ЕЛ-1)                   79,50  (денари/литар)

Мазут М-1 НС                   –      42,291 (денари/килограм)