АДВОКАТКА НАЈДЕНА МРТВА ВО СВОЈАТА КАНЦЕЛАРИЈА Кумановски лекари констатирале смрт, телото дадено на обдукција
Лекар од Итната медицинска помош ја констатирал смртта на 66-годишната кумановка, а по наредба на јавен обвинител телото е предадено на обдукција.
Шеесет и шестгодишна адвокатка од Куманово вчера била пронајдена почината во својата адвокатска канцеларија, информира Министерството за внатрешни работи.
„На 23.06.2026 во 12:23 часот во СВР Куманово било пријавено дека во сопствената адвокатска канцеларија во Куманово е пронајдена почината С.З.П.(66) од Куманово“, соопшти полицијата.
Можеби ќе ве интересира
На местото пристигнала екипа на Итната медицинска помош, при што лекар констатирал смрт.
По наредба на јавен обвинител, телото на починатата е предадено на обдукција, која треба да ги утврди причините за смртта.
Од полицијата засега не соопштуваат повеќе детали за случајот.