📽️ ТЕРЕНЕЦ ВЛЕТАЛ ВО ГРУПА ПЕШАЦИ ВО ХОЛИВУД, ТРОЈЦА ЗАГИНАА Уште неколку лица се повредени, возачот е во критична состојба
Белиот теренец удрил во најмалку пет пешаци во близина на метро-станица во Северен Холивуд. Возачот е хоспитализиран во критична состојба, а полицијата проверува дали бил под дејство на некакви супстанции.
Најмалку три лица загинаа, а неколкумина се повредени откако теренско возило удрило во група улични продавачи и пешаци во близина на влезот на метро-станица во населбата Северен Холивуд, во Лос Анџелес.
Според информациите што ги пренесува Си-ен-ен, повикувајќи се на полициската управа на Лос Анџелес, вчера околу 17:55 часот по локално време, бел теренец удрил во најмалку пет пешаци.
– Возачот исто така е хоспитализиран и се наоѓа во критична состојба – објавила полицијата.
Противпожарната служба на Лос Анџелес соопштила дека три лица починале на местото на несреќата, додека најмалку тројца повредени биле пренесени во блиските болници во критична состојба.
At least three people are dead after a car crashed into a food stand near a North Hollywood bus stop on Tuesday night. LAFD says three people were pronounced dead and three others were taken to a nearby hospital in critical condition.
Breaking details in our bio. https://t.co/hOCLnAhBKQ
— CBS LA (@CBSLosAngeles) November 11, 2026
– Околностите на несреќата засега не се познати – соопштиле пожарникарите.
Капетанот на полицијата во Лос Анџелес, Ворнер Кастиљо, изјавил пред новинарите дека возачот бил маж во шеесеттите години. Во тек се тестирања за да се утврди дали во моментот на несреќата бил под дејство на некакви супстанции.
– Срцето ми е скршено поради семејствата на сите настрадани. Ќе продолжиме да објавуваме нови информации како што ќе ги добиваме – напишала градоначалничката на Лос Анџелес, Карен Бас, во објава на „X“. Таа додала дека нејзиниот кабинет соработува со надлежните служби за да се утврди причината за инцидентот.
Several people have been killed and others critically injured after a vehicle struck pedestrians in North Hollywood, Los Angeles, the fire department says. https://t.co/AHptgZqHeX
— Open Source Intel (@Osint613) November 11, 2026
Телевизиската станица „KCBS/KCAL“, локална филијала на Си-ен-ен, објавила дека полицијата бара снимки од безбедносните камери на блиската автобуска станица за да ги истражи причините за несреќата.
По несреќата, противпожарни возила и полициски автомобили ја блокирале раскрсницата.