И КОЛБАСИТЕ НЕ СЕ ПРОДАВААТ ДОБРО ВО ГЕРМАНИЈА Еден од најголемите произведувачи затвора фабрика
Одлуката за затворање е дел од реструктуирањето на групацијата, а меѓу причините се неповолните трендови на германскиот пазар за колбаси и други месни производи.
Групацијата „Цур Милен“(Zur Mühlen), која работи во рамките на германската месна индустрија „Премиум Фуд Груп“ (Premium Food Group), го затвора својот производствен погон во Дисен во Долна Саксонија. Сите 230 работни места ќе бидат укинати на таа локација, но на вработените ќе им биде понудено преместување во друга фабрика, само неколку километри оддалечена.
Фабриката се наоѓа речиси на границата на две германски федерални држави. Вработените би можеле да ја продолжат својата работа во сестринската компанија „The Family Butchers“ во Локстен, од другата страна на покраинската граница, во Северна Рајна-Вестфалија.
Според компанијата, преместувањето би било можно според постојните договорни услови за работа, со целосно признавање на претходното работно искуство.
Одлуката за затворање е дел од реструктуирањето на групацијата, а меѓу причините се неповолните трендови на германскиот пазар за колбаси и други месни производи.
Како што објави порталот Land und Forst, компанијата посочува на стагнација или пад на продажбата, сè посилна меѓународна конкуренција и зголемување на трошоците за енергија, плати и логистика во Германија.
Портпаролот на компанијата изјави за „Билд“ дека дополнителните инвестиции во фабриката во Дисен нема да бидат финансиски оправдани на среден или долг рок во сегашните пазарни услови.
„Цур Милен“ го претставува сегментот за производство на колбаси на компанијата „Премиум Фуд Груп“, порано позната како „Тенис“.
Групацијата има повеќе од 4.000 вработени и остварува годишен обрт од повеќе од една милијарда евра. Има пазарен удел од приближно 22 проценти во германскиот сегмент на самопослужување пакувани колбаси и конзервирани колбаси.
Повеќе од 2 милијарди потрошувачки пакети излегуваат од нејзините капацитети годишно.
Затворањето на фабриката во Дизен е дел од поширок процес на консолидација на бизнисот.
По преземањето на компанијата „Еберсвалдер“ од Бранденбург, групацијата го прекина производството во фабриката во Бриц на почетокот на 2026 година. Таа одлука влијаеше на околу 500 вработени.