ОТВОРЕНИ СЕ ШАЛТЕРИТE НА АЛТА БАНКА ВО БИТОЛА, ТЕТОВО И ВО СТРУМИЦА Граѓаните без платежни картички можат да подигнат по 20.000 денари

Од денеска се отворени шалтерите на „АЛТА банка” АД Битола и во Тетово и во Струмица, покрај шалтерите во Битола, коишто работат од 6 ноември. На овие шалтери граѓаните коишто немаат платежни картички можат да подигнат до 20.000 денари, соопшти Народна банка (НБ).

Исплатата на средствата во сите три града се одвива непречено и според утврдениот распоред.

-Во експозитурата во Струмица на почетокот на работниот ден имаше краткотрајно доцнење поради логистичка организација, по што исплатата продолжи согласно предвидената динамика – велат од НБ.

Исплатите ќе продолжат и во следните денови, со цел клиентите на Банката да можат да располагаат со своите средства.

Исто така, од оваа недела се зголемува неделниот лимит за подигање готовина и плаќања на продажните места со платежните картички на Банката, од 10.000 на 15.000 денари.