📽️ ЛУЃЕ СЕ СПАСУВАЛЕ СО СКАЛИ ОД ЗАПАЛЕНА ЗГРАДА ВО КИНА Огнот однесе 14 човечки животи

Најмалку 14 лица загинаа во голем пожар што зафати повеќекатна зграда во кинескиот град Тајјуан, додека пожарникарите со високи скали спасувале луѓе заробени на горните катови.

Снимките од местото на несреќата покажуваат огромни пламени јазици и густ чад што излегува од прозорците, додека спасувачките екипи се обидуваат да стигнат до станарите.

Пожарот избувнал вчера попладне, на 8 ноември, во комплексот „Хаоченг интернешнл“, во областа Јингзе, во центарот на Тајјуан, главниот град на северната кинеска покраина Шанкси.

Според кинеската државна новинска агенција Ксинхуа, бројот на загинати се искачил на 14, откако првичните информации укажувале на 5 жртви.

Најмалку 25 лица се хоспитализирани, од кои деветмина се здобиле со сериозни повреди. Првичните извештаи наведувале и поголем број повредени, но засега нема целосно усогласени податоци за нивниот број.

Five dead after fire engulfs high-rise building in China

A major fire has swept through a high-rise building in Taiyuan, Shanxi Province, China, leaving five people dead and 33 others injured.

The blaze broke out at Haocheng International Apartments on Sunday, November 8, 2026, https://t.co/Xpwx8ZE3WI

— Metropunch (@metropunch) November 9, 2026

На снимка објавена на социјалната мрежа Икс се гледа како пламенот се шири по фасадата и низ повеќе катови, додека густ чад се издига над зградата.

Очевидците можеле да забележат луѓе заробени покрај прозорците, до кои пожарникарите се обидувале да стигнат со подвижни противпожарни скали, според описот на објавената снимка.

Пожарот избувнал околу 17 часот по локално време, а на противпожарните екипи им биле потребни приближно два часа за да го стават под контрола и да го изгаснат.

Зградата има мешана намена. Покрај станбените простории, во неа се сместени и хотел и образовни центри, што дополнително ја усложнило евакуацијата.