🎥 НОВ БРАН ПРОТЕСТИ ВО ТИРАНА Студентите и опозицијата бараат оставка од Еди Рама, тензиите растат

Нови антивладини протести се одржаа денеска, 7 ноември, во албанската престолнина Тирана, каде студентите и приврзаниците на опозицијата побараа оставка од премиерот Еди Рама.

Демонстрациите се одвиваа на две локации – опозициските поддржувачи се собраа пред седиштето на премиерот, додека студентите во 14 часот протестираа пред Министерството за образование. Полицијата ангажираше околу 1.200 службеници за обезбедување на собирите, а на улиците беа присутни и специјални полициски сили и водени топови.

Протестот на Демократската партија беше организиран по повик на нејзиниот лидер Сали Бериша, кој ги повика граѓаните да ја поддржат студентската борба, без оглед на политичката припадност. Приврзаниците на партијата се упатија од партиското седиште кон владината зграда, а потоа и кон Министерството за образование.

Студентите, пак, претходно се дистанцираа од обидите опозициските политичари да се приклучат на нивните протести, нагласувајќи дека нивното движење треба да остане независно од партиските структури.

BREAKING: Rioters set fire to streets in Albania as agitators throw rocks and clash with police in the capital city of Tirana.

Another weekend of unrest puts the European nation on edge as anti-government demonstrations intensify. | @foxandfriends

Get the latest updates with the Fox News app. Download here:
https://t.co/SFQoqYePq1

— Fox News (@FoxNews) November 7, 2026

Организаторите најавија дека отсега ќе одржуваат национални демонстрации двапати неделно – секоја среда и сабота. Главното барање останува оставката на Рама, но незадоволството е поврзано и со обвинувањата за корупција, недостигот од работни места и со проблемите во образовниот систем.

Во текот на претходните протести беа регистрирани силни судири со полицијата, оштетувања на објекти и насилни инциденти во центарот на Тирана.

Albanian police continue their crackdown on student-led anti-corruption and anti-Government protests in Tirana. https://t.co/2rOaikkUhj

— Xhemajl Rexha (@xhemajl_rexha) November 7, 2026

Рама, кој е на власт од 2013 година и минатата година освои четврти последователен мандат, повика на дијалог и понуди нов канал за комуникација со граѓаните. Студентските организатори, сепак, најавија дека нема да ги прекинат протестите.

Владата воведе построги мерки и високи административни казни за одредени прекршоци за време на собирите, што дополнително ја зголеми политичката напнатост во земјата.

 

🇦🇱 Student protests continue in Tirana.

Albanian police used water cannons against protesters. https://t.co/OAetF02XOa

— kos_data (@kos_data) November 7, 2026