ОГРОМЕН ИНТЕРЕС ЗА МАСТЕРКЛАСОТ НА ДРАГАН БЈЕЛОГРЛИЌ НА СКОПЈЕ ФИЛМ ФЕСТИВАЛ Филм се снима публика, а за публика е потребно кино

На сцената на Фестивалскиот центар во МКЦ вчера се одржа мастерклас со еден од најуспешните регионални филмски професионалци со длабоко искуство во продукцијата, режијата и во глумата – Драган Бјелогрлиќ.

Во едночасовната дебата со директорот на Скопје Филм Фестивал, Томи Салковски, преку пластични примери во спојот на уметноста и комерцијалното, Бјелогрлиќ ја отвори и темата дека без разлика каков филм е создаден, без кино не може да го видите.

За новите генерации професионалци, кои присуствуваа во голем број, овој мастерклас беше од исклучителна важност за нивниот професионален развој. Бјелогрлиќ ја затвори сесијата со охрабрување за младите филмски професионалци – дека филмовите, пред сè, се создаваат за публика.

„АКО ЕЛЕКТРИЧАРОТ, ВОДОИНСТАЛАТЕРОТ ИЛИ ПРОДАВАЧКАТА НЕ ВЕ РАЗБЕРАТ, ИМАТЕ ПРОБЛЕМ“ Бјелогрлиќ со лекција за филмските автори