📽️ ДРОН СПАСИ РАНЕТ ВОЈНИК КОЈ БИЛ 57 ДЕНА ЗАРОБЕН До него не можеле да стигнат поради мини, гранатирање и руски дронови
Украинскиот систем „StarGate“ прелетал повеќе од 15 километри за да го евакуира ранетиот Андриј, кој останал отсечен на позиција блиску до руската граница. Ова е третата успешна евакуација со овој дрон.
Тежок украински дрон спасил 54-годишен војник кој 57 дена бил заробен на првата линија на фронтот, откако нагазил на мина. Ова е третата успешна воздушна евакуација што ја извел 475 јуришен полк „CODE 9.2“, користејќи го домашно развиениот систем „StarGate“.
Украинскиот производител на дронови „SkyFall“ на 2 ноември објави дека ја испланирал и ја спровел операцијата во соработка со 475. јуришен полк „CODE 9.2“. Бил спасен војникот Андриј, со прекар „Донбас“, од позиција оддалечена само два километра од руската граница.
Војникот се наоѓал на таа позиција од крајот на мај, а бил ранет на 2 септември за време на борбена мисија. Таму останал речиси два месеца бидејќи копнените патишта за евакуација биле непроодни. Пристапот бил блокиран поради нападите со руски FPV-дронови, минските полиња, непристапниот терен и постојаното гранатирање.
⚡️🇺🇦 Air evacuation of wounded becomes systematic: CODE 9.2 rescued a soldier using a StarGate drone
The rescued soldier Andriy with the call sign “Donbas”, who was in position for 57 days due to a mine explosion.
During the operation, CASEVAC StarGate drone covered more than 15 km in one direction and picked up the wounded soldier only two kilometers from the border with Russia.
In total, in a week and a half, this technology was used to rescue three seriously wounded servicemen.
— MAKS 26 🇺🇦👀 (@Maks_NAFO_FELLA) November 2, 2026
Во спасувачката мисија, беспилотното летало „StarGate“ прелетало повеќе од 15 километри во еден правец за да стигне до ранетиот војник. По евакуацијата, Андриј бил пренесен во болница на лекување.
„StarGate“ е специјализирана платформа за евакуација на повредени лица (CASEVAC), која „SkyFall“ ја развил на барање на командантот на 475 јуришен полк. Дронот може да носи товар до 150 килограми и да достигне брзина од 105 километри на час. Во транспортниот простор се вградени медицински носилки.
Од „SkyFall“ наведуваат дека леталото користи вештачка интелигенција, напредни навигациски системи и повеќе комуникациски врски. Тоа му овозможува да функционира дури и во услови на попречување на GPS-сигналот или при губење на врската со операторот.
„SkyFall“ не го објави точниот датум на операцијата, но потврди дека системот „StarGate“ спасил тројца тешко ранети војници во период од околу десетина дена.
Пред Андриј, истиот полк извел уште две слични евакуации. Биле спасени 25-годишниот Јевхен, со прекар „Изјум“, и 24-годишниот Артем, познат како „Колобок“.
И двајцата имале тешки повреди на екстремитетите и останале заробени на првата линија на фронтот, на околу пет километри од руската граница.