ЖЕНА ОД СТАЈКОВЦИ ЗАГИНА ВО СООБРАЌАЈНА НЕСРЕЌА По ударот од автомобил, починала во болница

81-годишна жена од скопското село Стајковци починала откако била удрена од автомобил во скопската населба Ченто. Несреќата се случила вчера попладне, а жената им подлегнала на тешките повреди во Клиничкиот центар „Мајка Тереза“.

Според информациите од Министерството за внатрешни работи, несреќата била пријавена на 26 октомври, во 18:19 часот. На улицата Методија Андонов-Ченто во Скопје, автомобил „Фолксваген Пасат“ со скопски регистарски ознаки, управуван од 62-годишниот И. С. од Скопје, удрил во 81-годишната Р. А. од Стајковци.

Жената се здобила со тешки телесни повреди и била пренесена во Клиничкиот центар „Мајка Тереза“, каде што подоцна починала.

По насоки на јавен обвинител, телото на починатата било предадено на обдукција. Увид на местото на несреќата извршила екипа на СВР Скопје.