БЕЗ СТРОГИ ДИЕТИ И ОДРЕКУВАЊА Моника Белучи на 62 години изгледа неверојатно, а ова јадење никогаш не го одбива
Италијанската актерка не верува во драстични диети и претерано вежбање. Сака да ужива во храната, а една омилена намирница не сака да ја исфрли од менито.
Моника Белучи на 62 години и понатаму важи за една од најубавите жени во светот. Италијанската актерка со години привлекува внимание со својот изглед, а нејзиниот пристап кон исхраната е далеку од строгите режими кон кои прибегнуваат многу жени за да ја одржат витката линија.
Белучи никогаш не криела дека не е приврзаник на ригорозни диети и напорни тренинзи. Наместо целосно да се откажува од омилената храна, таа се залага за умереност и уживање во животот. Меѓу јадењата од кои не сака да се откаже се и шпагетите, кои ги обожава.
– Понекогаш се откажувам од нешто, но не сум опседната со слабеењето – открила актерката во интервју за „Сандеј тајмс“. Таа објаснила дека нејзината професија понекогаш бара да внимава повеќе на исхраната и физичката форма, особено кога се подготвува за филмска улога.
Нејзиното мени вклучува зеленчук, риба, месо и тестенини, а во текот на денот практикува неколку помали оброци. Наместо да си забранува сè што сака, таа се труди да одржува рамнотежа и да не претерува.
Кога станува збор за физичката активност, Белучи никогаш не се претставувала како голем љубител на напорните тренинзи. Повремено практикува пилатес, а ужива и во пливањето. Нејзиниот став е дека грижата за телото треба да биде приспособена на сопствените потреби, а не да се претвори во постојан притисок.
Актерката отворено зборува и за стареењето, кое го смета за природен дел од животот. Според неа, телото се менува со годините и важно е човек да научи да ги прифати тие промени, наместо постојано да се обидува да ја врати младоста.
– Сакам да стареам на нормален начин – изјавила таа во разговор за „Сандеј тајмс“, објаснувајќи дека на 50 или 60 години човек има поинакви потреби и поглед на животот отколку на 20.
View this post on Instagram
За Белучи, убавината не е само прашање на физички изглед. Со годините доаѓаат искуството, зрелоста и поинаквото разбирање на животот, а токму тоа, според неа, му дава нова длабочина на човекот. Нејзината филозофија е едноставна: да ужива во храната, да се грижи за себе без претерување и да не дозволи годините да ѝ го одземат задоволството од животот.