🎥 ПОРАДИ НАСИЛНИТЕ ПРОТЕСТИ ФРАНЦИЈА ЗАТВОРИ ПОВЕЌЕ ОД 400 СРЕДНИ УЧИЛИШТА Уапсени 1.949 демонстранти, повредени 305 полицајци

Повеќе од 400 средни училишта во Франција денеска ќе бидат затворени поради продолжувањето на протестите и блокадите на училиштата, соопшти министерот за образование Едуар Жефре.

Тој синоќа наведе дека во одделни училишта наставата ќе биде организирана на далечина, пренесува телевизијата БФМ.

Протестите на средношколците, кои бараат поголеми издвојувања за образованието, вчера се проширија и на универзитетите, а во повеќе градови се забележани судири и материјална штета на училишните објекти.

Француското Министерство за внатрешни работи соопшти дека вчера низ земјата се уапсени 1.949 лица во врска со блокадите на училиштата, додека повеќе од 1.000 образовни установи биле опфатени со протестите, вклучувајќи 222 блокирани училишта. Повредени се 305 полицајци и припадници на жандармеријата.

Владата соопшти дека ситуацијата во одделни места прераснала во урбано насилство, додека за денеска се воведени забрани за собири во близина на училиштата кои ќе бидат затворени.

Протестите на учениците и студентите во Франција започнаа поради незадоволството од состојбата во образованието, а во последните денови се проширија и се поврзаа со поширокото незадоволство од владината буџетска политика.

Меѓу главните причини што ги наведуваат учениците се недостигот на наставници, непополнетите работни места, пренатрупаните паралелки и лошите услови во дел од училиштата. Тие се жалат и на долгите наставни денови и на притисокот поврзан со „Parcoursup“, системот преку кој средношколците конкурираат за места на универзитетите.

Во протестите се вклучија и студентски организации, кои предупредуваат на зголемување на финансискиот товар за студентите и на недоволното финансирање на универзитетите. Дел од нив се спротивставуваат и на мерки од владините буџетски планови кои би можеле да ги намалат студентските бенефиции или да ги зголемат трошоците за одредени категории студенти.

Незадоволството се надоврза на пошироката социјална мобилизација во Франција против владините планови за буџетски заштеди. На 29 септември, покрај учениците и студентите, протестираа и работници од јавниот сектор, барајќи повисоки плати и отфрлање на мерките за намалување на јавните расходи.

Првите ученички блокади започнаа на 21 септември во средно училиште во Кретеј, во парискиот регион, поради проблеми со недостигот на наставници. Движењето потоа се прошири во други делови на земјата, а од крајот на септември во протестите почнаа масовно да се вклучуваат и студенти.

Протестите во меѓувреме добија и политичка димензија. Владата ја обвинува левичарската партија „Непокорна Франција“ на Жан-Лик Меланшон дека ги поттикнува блокадите, додека партијата ги отфрла тие обвинувања и ја обвинува владата за обид за задушување на протестното движење.

🚨 JUST IN: More than 400 schools and educational institutions across France are closed today amid student protests over teacher shortages, overcrowding and infrastructure. Violence has included fires, fireworks and clashes with police. pic.twitter.com/HI9U1OVOH2

— HINT News (@9415st) October 2, 2026

French students have blocked schools across the country, demanding more teachers, smaller classes and better-equipped schools.

Some protests escalated into clashes with police, while teachers, firefighters and other public workers also demonstrated over funding and resources. pic.twitter.com/eOpPqHF87P

— Al Jazeera English (@AJEnglish) September 29, 2026