📽️ РАКЕТАТА СО САТЕЛИТИТЕ НА „АМАЗОН“ ОТКАЖА ПО 10 МИНУТИ Изгубени 40 летала по неуспехот на „Вулкан“
Компанијата „Јунајтед лонч алајанс“ пријави аномалија речиси 10 минути по полетувањето, а причината за инцидентот се истражува.
Ракетата „Вулкан“ на американската компанија „Јунајтед лонч алајанс“ (УЛА) откажа речиси 10 минути по полетувањето од Флорида, при што беа изгубени 40 сателити на „Амазон“. Неуспешното лансирање се случило вчера од вселенскиот лансирен комплекс 41.
Ракетата требало да ги постави сателитите во ниска орбита околу Земјата, како дел од развојот на сателитската интернет-мрежа на „Амазон“.
Наместо тоа, за време на летот се појавила аномалија што го оневозможила извршувањето на мисијата.
„Врз основа на податоците добиени од нашиот директор за лансирање, можеме да потврдиме дека ракетата ‘Вулкан’, лансирана од комплексот 41, наиде на аномалија 10 минути по полетувањето, што ја оневозможи испораката на сателитите на ‘Амазон’ во орбитата“, соопшти УЛА.
Компанијата е заеднички проект на американските воздухопловни и одбранбени гиганти „Боинг“ и „Локхид Мартин“.
Неуспешното лансирање претставува сериозен удар за ракетата „Вулкан“, која треба да има клучна улога во идните вселенски мисии на компанијата.
🚨VULCAN ROCKET FAILS after ‘ANOMALY’ 10 MINUTES into FLIGHT, losing all 40 AMAZON INTERNET SATELLITES
▪️American launch service provider United Launch Alliance (ULA) said its Vulcan rocket failed to deliver 40 Amazon Leo broadband satellites into orbit after suffering an in-flight anomaly shortly after liftoff from Florida.
▪️”Today, we did not meet that standard,” ULA, a joint venture formed in 2006 between Lockheed Martin Space and Boeing Defence, Space & Security, said in a statement, referring to its benchmark for mission success.
▪️The heavy-lift vehicle lifted off at 1740GMT from Space Launch Complex 41 at Cape Canaveral Space Force Station in Florida, clearing the launch tower before experiencing the malfunction roughly 10 minutes into the flight. https://t.co/lGTN7PIeQb
— ⚡️🌎 Sarwar 🌐⚡️ (@ferozwala) November 15, 2026
Од „Амазон“ соопштија дека инцидентот се случил неодамна и дека сè уште немаат доволно податоци за неговата причина.
„Секој лет обезбедува нови податоци и учиме нешто ново од секоја мисија. Бидејќи инцидентот се случи многу неодамна, сè уште немаме конкретни податоци за да утврдиме што точно се случи“, соопшти компанијата.
Сателитите биле наменети за проширување на интернет-мрежата на „Амазон“ во ниската орбита околу Земјата.
„Вулкан“ е новата водечка ракета на УЛА, компанија основана пред околу две децении.
Со неа се планирани редовни лансирања за потребите на растечките сателитски мрежи, вклучувајќи ја и онаа на „Амазон“.