📽️ ГОРАН БАРЕ НЕ УСПЕА ДА ЈА ИСПЕЕ НИ ПРВАТА ПЕСНА Пејачот и „Мајке“ го прекинаа настапот по само неколку минути
Горан Баре и „Мајке“ го прекинаа настапот во Макарска по само неколку минути, а засега нема официјално објаснување што се случило.
Концертот на Горан Баре и „Мајке“ во Макарска заврши само неколку минути откако почна. На снимката од настапот се гледа како Баре не успева да ја заврши ниту првата песна, по што неговите колеги му помагаат да ја напушти сцената.
Баре со години отворено зборува за тешките периоди низ кои минувал, вклучително и зависностите од алкохол и хероин. Во интервју објавено на почетокот на септември годинава, тој повторно се наврати на своето минато, додека само неколку недели претходно за „Индекс“ зборува и за тешките концерти од минатото, вклучувајќи настап по кој завршил во болница во Љубљана. Сепак, засега нема информација дека нешто од тоа е поврзано со ненадејниот прекин на концертот во Макарска.
View this post on Instagram
„Мајке“ се хард-рок состав од Винковци, основан во 1984 година. Поставата низ годините често се менуваше, но Горан Баре остана константа. Бендот се распадна во 2001 година, по што Баре продолжи со соло-проектот „Платеници“, но во 2007 година повторно се обедини со „Мајке“. Повратничкиот концерт го одржаа во загрепската „Творница“ на 9 мај истата година.
Инаку, овој настап на Баре и „Мајке“ беше најавен за 20.09 во рамки на фестивалот „Модро и зелено“, а тие беа меѓу главните имиња на последната вечер. Публиката, која го следела настапот, го испратила пејачот со аплауз.
Засега ниту организаторите ниту членовите на бендот не објавиле објаснување за причината поради која концертот е прекинат. Сепак, снимката предизвика загриженост кај дел од публиката и бројни пораки за поддршка на социјалните мрежи.
Случајот доаѓа само две недели по неговиот голем концерт со „Мајке“ на загрепската Шалата. На 5 септември тие настапија пред распродадена публика, а концертот беше искористен и за претставување на новиот материјал од претстојниот албум „Потоп“. Првиот сингл од албумот, „Моја единствена“, веќе е објавен.
Актуелната концертна постава на „Мајке“, покрај Баре, ја сочинуваат Ален Тибљаш на тапани, Марио Рашиќ на бас, Круно Домаќиновиќ на гитара, Гојко Томљановиќ на клавијатури и Давор Родиќ на акустична педал-стил гитара. Бендот во 2026 година има настапувано низ регионот, меѓу другото и во Љубљана, на „Арсенал фест“, во Солин и на Шалата.
Баре неодамна во интервју за „Индекс“ зборуваше и за својот однос со бендот, велејќи дека „Мајке“ му се најголемата поддршка во животот и дека без нив „не би бил ни тој“.
Иако вечерта во Макарска заврши по само една започната песна, Баре и „Мајке“ во моментов имаат активен концертен распоред, а нивниот нов албум „Потоп“ е најавен за крајот на годинава.