📽️ 📷 НОЌ НА ХОРОР ВО УКРАИНА Повеќе од 70 ракети и 280 дронови, има загинати деца

Најмалку девет лица, меѓу кои и деца, загинаа во масовните руски ракетни и беспилотни напади врз повеќе региони на Украина во текот на ноќта, додека украинските сили возвратија со удари врз руски рафинерии и воени цели.

Според украинските власти, во нападите загинале најмалку девет лица, а десетици се повредени. Сирени за воздушна опасност се огласувале низ целата земја, а меѓу погодените градови се Киев, Лавов, Днипро, Полтава, Харков, Николаев, Суми, Виница, Черкаси и Ивано-Франкивск.

 

Russia launched a large-scale overnight missile and drone attack across Ukraine on July 30, killing at least seven people and injuring more than 30.

Strikes hit Kyiv, Lviv, Poltava, and other regions, sparking fires, destroying homes, and leaving rescue crews searching through… pic.twitter.com/SQmkPij9mr

— Clash Report (@clashreport) July 30, 2026

Најтрагичен бил нападот врз семејна куќа во околината на Криви Рих, каде што балистичка ракета „Искандер-М“ директно погодила дом на повеќечлено семејство. Загинале две девојчиња на возраст од пет и 12 години и четворица возрасни, додека осум лица се повредени, меѓу кои и две деца.

Украинскиот претседател Володимир Зеленски соопшти дека во ракетен напад врз населбата Радушне во Дњепропетровската област загинале родители и нивните три деца. Под урнатините живи биле извлечени уште две деца.

 

President Zelensky said Russia launched more than 70 missiles, many of them ballistic, and over 280 attack drones overnight. Ukrainian forces destroyed more than 260 drones, while aviation and mobile fire groups intercepted numerous cruise missiles. #Ukraine pic.twitter.com/VrCIoZc9BI

— NOELREPORTS 🇪🇺 🇺🇦 (@NOELreports) July 30, 2026

– Тоа беше обична семејна куќа, претворена во урнатини од балистичка ракета. Спасувачките операции продолжуваат и во Лавов, каде што беше погодена станбена зграда – напиша Зеленски на социјалната мрежа „Икс“.

Тој наведе дека Русија во нападите употребила повеќе од 70 ракети, од кои голем дел биле балистички, како и повеќе од 280 борбени беспилотни летала. Украинската противвоздушна одбрана, според него, соборила повеќе од 260 дронови и значителен број крстосувачки ракети.

 

Last night, a Russian missile strike on Radushne in the Dnipro region killed parents and three children. Two more children were pulled alive from under the rubble. It was an ordinary home, blown into smithereens by a ballistic missile… Rescue efforts are also underway in Lviv… pic.twitter.com/htxpbenMrA

— Volodymyr Zelenskyy / Володимир Зеленський (@ZelenskyyUa) July 30, 2026

Во Киев загинале две лица во областите Оболон и Свјатошин, каде што избувнале пожари, а оштетени биле и повеќе објекти. Во Полтавската област загинало едно лице, откако дрон погодил магацини на приватна компанија.

 

Ukrainians are taking cover in the Kyiv Metro as Russia has launched a large attack with cruise missiles and ballistic missiles.

Several missiles have hit the city.

Civilians, including children, are also reported to be buried under rubble in Kryvyi Rih pic.twitter.com/iJLX6gB4mE

— Visegrád 24 (@visegrad24) July 29, 2026

Во меѓувреме, руското Министерство за одбрана соопшти дека ноќниот напад бил насочен кон украински воени аеродроми, телекомуникациски и логистички центри во Киев, Лавов и уште неколку региони. Москва тврди и дека биле погодени два товарни брода кои, според руската страна, превезувале оружје и воена опрема кон Одеса и Чорноморск.

 

At least 7 dead, 30+ wounded in an overnight Russian missile and drone attack across Ukraine. Kyiv, Lviv, and Poltava hit. https://t.co/RJ4uGN20JL pic.twitter.com/WGy1KAuZn8

— Open Source Intel (@Osint613) July 30, 2026

Руското Министерство за одбрана, исто така, соопшти дека во текот на ноќта биле соборени 258 украински беспилотни летала над повеќе руски региони, како и над Крим, Азовското и Црното Море.

Од украинска страна беше потврдено дека биле извршени напади врз рафинеријата на „Лукоил“ во Перм, која се наоѓа на повеќе од 1.500 километри од украинската граница, како и врз рафинерија во Рјазањ, логистички центар и објект на Крим што го користи руската Црноморска флота.

 

💔 Lviv: Residents help search through rubble as people remain trapped

Residents of Lviv are helping emergency crews clear the rubble after Russia’s overnight attack, with people still believed to be trapped beneath the debris.

Russia launched a massive overnight missile and… pic.twitter.com/DxkDDsVUYO

— NEXTA (@nexta_tv) July 30, 2026

Украинските власти повторно апелираа до западните партнери за дополнителни системи за противвоздушна одбрана, оценувајќи дека тие се клучни за заштита на цивилното население од засилените руски ракетни напади.

 

❗️Ukrainian drones struck a 90,000 m² Wildberries warehouse outside Penza, sparking a fire that was still burning. The site was one of the company’s largest logistics hubs and served the entire Volga Federal District. #Ukraine pic.twitter.com/2UAkSH3YN7

— NOELREPORTS 🇪🇺 🇺🇦 (@NOELreports) July 30, 2026