ГРЦИЈА СО ЛОВЦИ ЌЕ УДРИ ПО ЗАЈАЧКАТА РИБА Акцијата „фати риба, земи награда“ важи и за аматерите

Грција ветува парични и материјални награди за ловците, професионалци или аматери, кои ќе помогнат во ловењето на отровната „зајачка риба“. Појавата на оваа риба летово ги крена алармите кај јужниот сосед.

Лагоцефалусот им прави големи штети на рибарите поради своите големи заби, налик на зајачки, со кои ги кине и најсилните најлонски мрежи и рибарска опрема за да дојде до пленот.

Надлежните власти и рибарските здруженија упатија јавен повик до професионалците и до аматерите да се приклучат на акцијата, која е замислена како големо наптреварување.

Овој инвазивен вид пристигнал од Црвеното Море преку Суецкиот канал и во изминатите години се проширил низ Егејското и низ Јонското Море.

На една од снимките на социјалните мрежи фатената риба одгризнува лименка од пиво „Митос“ на бродот на грчки рибар.

🚨ΠΡΟΣΟΧΗ Το ψάρι Lagocephalus sceleratus, δεν τρώγεται γνωστό και ως λαγοκέφαλος, είναι ένα είδος που έχει εξαπλωθεί τα τελευταία χρόνια στην Μεσόγειο. Ενέχει δύο ξεχωριστούς κινδύνους για την υγεία: το δάγκωμά του μπορεί να προκαλέσει σοβαρούς τραυματισμούς και η σάρκα και τα… pic.twitter.com/hV3glj8qHy

— Ε🇬🇷Λ🇬🇷Λ🇬🇷Α🇬🇷Σ (@GRHellasGR) June 13, 2026

Освен што ги уништува мрежите, рибата голта домашни видови риби и ракови, со што дополнително го нарушува морскиот екосистем.

Експертите предупредуваат дека Лагоцефалусот содржи тетродотоксин, опасен отров кој може да биде фатален за луѓето.

Токсинот од рибата не се уништува ниту при термичка обработка на месото.

„Оваа риба буквално го проголтува нашиот екосистем и ја менува биолошката рамнотежа на морето. Ако не ја спречиме, последиците за туризмот и за риболовот ќе бидат катастрофални“, предупредуваат морските биолози.