ПРИСТИГНА ДОЛГОТО ТОПЛО ЛЕТО Денеска е најдолгиот ден во годината
Летото во Македонија почна со високи температури, а во наредниот период се очекуваат и првите поизразени топлотни бранови карактеристични за овој дел од годината.
Денеска почнува летото на северната Земјина полутопка. Со летната долгодневица на 21 јуни, Земјата го достигнува моментот кога Северниот Пол е најмногу наклонет кон Сонцето, што го прави овој ден најдолг во годината.
Во Македонија денот на летниот солстициј ќе трае околу 15 часа и 15 минути.
По денешниот ден, деновите постепено ќе почнат да се скратуваат.
Астрономското лето ќе трае до 22 септември, кога ќе настапи есенската рамнодневица.
Според метеоролозите, летото во Македонија почна со високи температури, а во наредниот период се очекуваат и првите поизразени топлотни бранови карактеристични за овој дел од годината.