📽️ (ВОЗНЕМИРУВАЧКО) ГО ЧЕКАЛЕ СО ЦВЕЌИЊА И МЕЧИЊА, ПА ГО ЕГЗЕКУТИРАЛЕ ПРЕД АЕРОДРОМ Тинејџери ладнокрвно ликвидираа мафијашки бос во Еквадор
Двајца тинејџери, преправајќи се дека чекаат патници со цвеќиња и кадифени играчки, го застрелале Карлос Алберто Суастеги Вилануева пред аеродромот во Гвајакил, додека полицијата веднаш потоа ги привела осомничените.
Познат член на една од најопасните криминални групи во Еквадор е убиен пред аеродромот во градот Гвајакил, откако двајца тинејџери, преправајќи се дека чекаат патници со цвеќиња и кадифени играчки, ладнокрвно го застрелале пред десетици сведоци.
Жртвата е 39-годишниот Карлос Алберто Суастеги Вилануева, кого еквадорските власти го поврзуваат со криминалната организација „Лос Агилас“, која е означена како терористичка група поради вмешаност во трговија со дрога, изнуда и други тешки кривични дела.
Според информациите објавени од Би-Би-Си, ликвидацијата се случила пред терминалот за пристигнувања на аеродромот во Гвајакил и предизвикала вистинска паника меѓу патниците и вработените.
Безбедносните камери го снимиле целиот напад. На снимките се гледаат двајца тинејџери како стојат пред терминалот држејќи цвеќиња и кадифени играчки, оставајќи впечаток дека чекаат некого да пристигне.
Во еден момент, едниот од нив му се приближува на Суастеги, вади пиштол скриен зад кадифено мече и пука од непосредна близина. Додека жртвата паѓа на земја, вториот тинејџер се приближува и испукува уште еден куршум, по што двајцата бегаат од местото на нападот.
Според локалните медиуми, присутните патници во паника почнале да бегаат и да бараат засолниште, стравувајќи дека станува збор за поширок вооружен напад.
🔴 ¿Cómo pasó Migración?
En el video se observa a Carlos Alberto Suástegui Villanueva, señalado por el ministro @JohnReimberg como cabecilla de Los Águilas y Objetivo Criminal Priorizado, saliendo de arribos internacionales con una maleta segundos antes de ser asesinado en el… pic.twitter.com/KJYvzE78la
— VCRNoticias (@VCRNoticias) June 18, 2026
Во инцидентот бил повреден и случаен минувач.
Полицијата веднаш започнала потрага по напаѓачите и кратко време по убиството уапсила двајца тинејџери кои се осомничени за извршување на ликвидацијата.
Терминалот за пристигнувања бил затворен повеќе од два часа додека траел увидот и собирањето докази од местото на злосторството.
View this post on Instagram
Убиството се случува во период кога Еквадор се соочува со драматично влошување на безбедносната состојба. Земјата, која се наоѓа меѓу Колумбија и Перу – најголемите светски производители на кокаин – во последните години стана една од главните рути за шверц на дрога кон САД и Европа.
Само еден ден пред ликвидацијата, претседателот Daniel Noboa повторно прогласи вонредна состојба во десет провинции, меѓу кои и Гвајас, поради ескалацијата на насилството поврзано со организираниот криминал.