„НЕ СЕ ПЛАШАМ ОД БАКТЕРИИ, СУМ ШМРКАЛ КОКАИН ОД ДАСКА НА WC-ШКОЛКА“ Шокантна изјава на американскиот министер за здравство Р.Ф. Кенеди Џуниор

Во јавен настап, американскиот министер за здравство Роберт Ф. Кенеди Џуниор, кој беше кандидат за претседател на САД, јавно призна дека во минатото употребувал кокаин. Тој рече дека тоа се случило во неговите помлади години и дека дрогата ја употребувал на различни начини, вклучително и со користење на тоалетни седишта на јавни места.

Кенеди говореше за ова искуство во контекст на разговор за личните грешки и растењето како личност, истакнувајќи дека тоа било дел од период во животот што тој сега го гледа како погрешен избор.

Кенеди Џуниор во подкаст изјави дека „не се плаши од бактерии“ бидејќи „шмркал кокаин од тоалетни школки“. Тој ова го рече на подкастот „Минатиов викенд“ (This past weekend) кај популарниот американски подкастер Тео Вон.

Во подкастот, Кенеди и Вон разговараа за нивната историја на злоупотреба на дрога и како заедно присуствувале на состаноци за откажување од дроги пред таквите состаноци да бидат забранети поради коронавирусот. Подоцна, тие формирале своја „пиратска“ група, која продолжила да се состанува за време на пандемијата, и покрај забраната, пишува Sky News .

Кенеди рече дека ја научил важната лекција од тие искуства и дека се обидува да ја искористи својата позиција за да зборува за одговорност и промени во животот. Тој зборуваше за својите проблеми со зависности која започнала после убиството на неговиот татко во 1968 година.

– Знаев дека оваа болест ќе ме убие ако не ја лекувам, што за мене значеше одење на состаноци секој ден – рече Кенеди.

Во својот разговор со Вон, тој исто така јавно кажа дека бил две пати уапсен за поседување дроги во минатото, што според него му помогнало да ги промени навиките и да бара опоравување.