„НЕ СУМ БИЛ НИ ВО БЛИЗИНА НА ОСТРОВОТ НА ЕПШТАЈН“ Трамп ќе го тужи водителот на Греми, Тревор Ноа, за клевета
Изгледа дека ќе ги испратам моите адвокати да го тужат овој беден, патетичен, неталентиран, глупав водител и ќе го тужам за многу пари. Подготви се, Ноа, ќе се забавувам со тебе, објави американскиот претседател Доналд Трамп.
Американскиот претседател Доналд Трамп денеска најави дека ќе го тужи водителот на доделувањето на Греми наградите, Тревор Ноа, за кого рече дека изнел невистина дека тој и поранешниот американски претседател Бил Клинтон „поминувале време“ на островот на покојниот осуден сексуален престапник Џефри Епштајн.
„Греми наградите се најлошите, практично негледливи! Си-би-ес има среќа што ова ѓубре повеќе не им го загадува етерот. Водителот, Тревор Ноа, кој и да е тој, е речиси исто толку лош како Џими Кимел на Наградите на Академијата со ниска гледаност. Ноа кажа, НЕТОЧНО, дека Доналд Трамп и Бил Клинтон поминале време на островот на Епштајн. ПОГРЕШНО!!! Не можам да зборувам во име на Бил, но јас никогаш не сум бил на островот на Епштајн, ниту некаде во близина, и сè до вечерашната лажна и клеветничка изјава, никогаш не сум бил обвинет дека сум бил таму – дури ни од медиумите со лажни вести. Ноа, целосен губитник, подобро нека си ги провери фактите и тоа брзо. Изгледа дека ќе ги испратам моите адвокати да го тужат овој беден, патетичен, неталентиран, глупав водител и ќе го тужам за многу пари. Прашајте го „малиот“ Џорџ Слопадопулос и другите како им помина тоа. Прашајте го и Си-би-ес! Подготви се, Ноа, ќе се забавувам со тебе!“, објави Трамп.
По доделувањето на наградата за песна на годината, водителот Ноа се пошегува на сметка на Трамп.
„Песна на годината – тоа е Греми награда што секој уметник ја посакува, речиси исто толку многу колку што Трамп го посакува Гренланд, што има смисла, бидејќи островот на Епштајн веќе го нема, па му треба нов на кој ќе се дружи со Бил Клинтон“, рече Ноа.
Trevor Noah takes another jab at Donald Trump #Grammys: “Song of the Year — that is a Grammy that every artist wants almost as much as Trump wants Greenland, which makes sense because Epstein’s island is gone, he needs a new one to hang out with Bill Clinton” pic.twitter.com/quUWEpX4NL
— Deadline (@DEADLINE) February 2, 2026