ОД УТРЕ ОТВОРАЈТЕ ЧЕТИРИ ОЧИ, СТАРТУВА „БЕЗБЕДЕН ГРАД“! Еве кои прекршоци ќе се казнуваат
Камерите се поставени на критичните сообраќајни точки каде често се случуваат сообраќајни прекршоци - велат од МВР.
На територија на Скопје, Куманово и Тетово и на коридорите 8 и 10 од утре стартува санкционирањето преку проектот „Безбеден град“. Од Министерството за внатрешни работи информираат дека во првата фаза системот ќе детектира четири типични сообраќајни прекршоци?
– непрописно паркирање,
– управување со брзина поголема од пропишаната,
– минување на црвено светло,
– управување на возило со изминат рок на важност на сообраќајната дозвола.
МВР апелира до граѓаните да се почитуваат сообраќајните правила и прописи.
– Системот „Безбеден град“ е исклучително важна инвестиција во безбедноста на сите граѓани и целата држава, ќе спасува човечки животи, ќе го регулира сообраќајот, а ќе ги санкционира сите оние кои не сакаат да ги почитуваат сообраќајните правила и прописи на сопствена штета и штета на другите учесници со сообраќајот. Камерите се поставени на критичните сообраќајни точки каде често се случуваат сообраќајни прекршоци – велат од МВР.