ИНСПЕКТОРИТЕ ЗАТВОРИЈА 9 НОВОГОДИШНИ КУЌАРКИ ВО СТРУГА Работеле без дезинфекција, без вода од водовод, нехигиенски
Куќарките не биле поврзани на градската водоводна мрежа, немале спроведена задолжителна дезинфекција, дезинсекција и дератизација, лицата немале спроведени задолжителни здравствено - санитарни прегледи, а не се почитувале ниту правилата на Добра призводствена и Добра хигиенска пракса, информира Агенцијата за храна и ветеринарство.
Оператори со храна во 9 новогодишни куќарки во Струга беа казнети со по 200 евра бидејќи работеле во нехигиенски услови. При вонредна инспекција во чаршијата во Струга Агенцијата за храна и ветеринарство (АХВ) откри повеќе неправилности.
Можеби ќе ве интересира
„Со контролата спроведена на 22 овој месец, утврдено е дека во куќарките работеле физички лица и тоа во нехигиенски услови, односно куќарките не биле поврзани на градската водоводна мрежа, немале спроведена задолжителна дезинфекција, дезинсекција и дератизација, лицата немале спроведени задолжителни здравствено – санитарни прегледи, а не се почитувале ниту правилата на Добра призводствена и Добра хигиенска пракса“, информира АХВ.
Операторите имаат забрана за работа додека не ги исполнат потребните услови.