📽️ КРВАВ ИНЦИДЕНТ ВО ТАЈПЕЈ Напад со молотови коктели и нож во метро, осомничениот мртов
Осомничениот фрлал димни бомби и молотови коктели, а потоа напаѓал случајни минувачи, мотивот за нападот сè уште е непознат.
Девет лица се повредени, од кои четворица потешко, во насилен инцидент на метро-станица во главниот град на Тајван, Тајпеј, откако маж фрлил димни бомби и молотови коктели, а потоа нападнал случајни минувачи, јави официјалната Централна новинска агенција.
Инцидентот се случил на метро-станицата Џонгшан, каде што осомничениот, според властите, носел маска и намерно активирал повеќе чадни бомби, создавајќи паника меѓу патниците. По тоа, тој почнал да напаѓа луѓе на пероните и во просториите на станицата.
Taipei random psycho hurt 7 peoples and jump off the building after that😢 pic.twitter.com/MB5cAjz1wu
— Uchiha Pro (@Uchiha_Soma) December 19, 2025
Тајванскиот премиер Чо Чунг-те го потврди нападот во објава на Фејсбук, наведувајќи дека осомничениот употребил и нож. Според неговите информации, пет лица биле избодени, а здравствените установи добиле насоки да направат сè што е можно за спасување на повредените.
„Осомничениот намерно фрлил повеќе молотови коктели и димни бомби, а потоа нападнал луѓе на станицата, предизвикувајќи голем број повредени“, напиша Чо.
Someone just threw a smoke bomb at Taipei Main Station MRT M7 exit, causing one man to fall unconscious. pic.twitter.com/BGtthtxxaY
— Foreigners in Taiwan 🇹🇼 外國人在台灣 (@foreignersinTW) December 19, 2025
Официјалната новинска агенција подоцна објави дека постои сомнеж дека напаѓачот извршил самоубиство по нападот, но деталите околу околностите сè уште се утврдуваат.
Во дополнително соопштение објавено околу 20:30 часот по локално време, премиерот Чо потврди дека лицето кое ги активирало димните бомби и го извршило нападот е едно и исто лице.
Мотивот за нападот засега останува непознат.
По инцидентот, претседателот на Тајван, Лаи Чинг-те, соопшти дека безбедносните мерки се засилени низ целиот остров. Тој најави темелна истрага и порача дека владата ќе вложи максимални напори за заштита на граѓаните.
Воедно, Лаи апелираше до јавноста да не шират непроверени информации и шпекулации поврзани со нападот.