📽️ ФАНОВИТЕ БЕСНИ, СТОЛЧИЊА ЛЕТАА НА ТЕРЕНОТ Меси замина по 20 минути, навивачите лути и разочарани
Турнејата на Лионел Меси во Индија започна со инцидент на стадионот „Солт Лејк“ во Калкута, каде навивачите ги кршеа седиштата и го создадоа хаосот, а главниот министер на Западен Бенгал се извини.
Турнејата на Лионел Меси низ Индија започна во хаотична атмосфера. На стадионот „Солт Лејк“ во Калкута претпладнево навивачите ги кршеа седиштата и ги фрлаа на теренот по кратката посета на фудбалерот на Аргентина и Интер Мајами.
Меси е во Индија како дел од турнејата за време на која треба да присуствува на концерти, младински фудбалски клиники, турнир во падел и да започне добротворни иницијативи на настани во Калкута, Хајдерабад, Мумбаи и Делхи.
𝑴𝒆𝒔𝒔𝒊 𝑴𝒂𝒏𝒊𝒂 in India 🇮🇳
80k packed stadium in Kolkata as Messi continues his tour through the country 🏟️👀
🎥 @ddsportschannel pic.twitter.com/40iye4hMtf
— 433 (@433) December 13, 2025
Според извештаите во индиските медиуми, победникот на Светското првенство во 2022 година прошета по теренот на стадионот на кој беше откриена 20-метарска статуа со неговиот лик. Тој им мавташе на навивачите, опкружен со голема група луѓе и си замина 20 минути по неговото пристигнување.
This Messi statue in Kolkata, India 🔥
— Major League Soccer (@MLS) December 12, 2025
– Само лидери и актери го опкружуваа Меси… Зошто тогаш нè повикаа? Плативме билет 100 фунти, но не можевме ниту да му го видиме лицето – изјави еден разлутен навивач.
Angry crowd in Kolkata’s Salt Lake Stadium throwing bottles from gallery after they couldn’t see Messi properly #MessiInIndia pic.twitter.com/HxhkLsLcFl
— India Blooms (@indiablooms) December 13, 2025
Главниот министер на државата Западен Бенгал, Мамата Банерџи, му се извини на Меси и нареди истрага за инцидентот.
– Длабоко сум вознемирен и шокиран од лошото управување што беше забележано денес на стадионот „Солт Лејк“. Искрено му се извинувам на Лионел Меси, како и на сите љубители на спортот и неговите фанови, за несреќниот инцидент – објави Банерџи на X
Во минатото, Диего Марадона двапати ја посети Калкута и во 2017 година откри своја статуа како го држи трофејот од Светското првенство, во присуство на илјадници фанови.