ИМЕНУВАНИ ПОВЕРЕНИЦИ ЗА ОПШТИНИТЕ ВО КОИ НЕ БЕШЕ ИЗБРАН ГРАДОНАЧАЛНИК Собранието ќе биде известено за распишување избори во неколку општини
Од Владата појаснуваат дека согласно член 134 став 3 Владата ќе го извести претседателот на Собранието заради распишување на избори за градоначалник.
Владата именува повереници за општините Маврово Ростуше, Гостивар, Центар Жупа и Врапчиште, општини во кои на локалните избори не беа избрани градоначалници. Онер Јакупоски е именуван за повереник за Општина Маврово Ростуше, Аријан Ибраим за повереник за Центар Жупа, Буњамин Кадриу за Врапчиште и Фадил Џелили за Гостивар.
„Владата на денешната 131 седница постапи по известувањето на ДИК за завршување на локалните избори 2025 година за избор за членови на советите на општините и советот на Град Скопје и градоначалници на општините и градоначалник на Град Скопје. Во врска со условот од член 132 став 2 од Изборниот законик за избор на градоначалници на општините да излезат една третина од вкупниот број на избирачи запишани во избирачкиот список за соодветна општина не е исполнет во општините Врапчиште, Гостивар, Маврово и Ростуше и Центар Жупа, информираат од Владата.
Од Владата појаснуваат дека согласно член 134 став 3 Владата ќе го извести претседателот на Собранието заради распишување на избори за градоначалник.