СРЕД БЕЛ ДЕН СЕ ЗАКАНУВАЛ СО ПИШТОЛ ВО КАФУЛЕ ВО ЦЕНТАР Полицијата уапси 32-годишниот скопјанец со дрога и оружје
Инцидентот се случил сред бел ден во угостителски објект во Центар, а при апсењето полицијата кај осомничениот пронашла бела прашкаста материја, таблети и пиштол на дијаболи.
Полициските службеници го уапсиле 32-годишниот скопјанец И.С. откако со пиштол им се заканувал на вработените во угостителски објект во Центар.
Инцидентот се случил во средата, околу 13:35 часот, кога пријавениот извадил оружје, го репетирал и со закани ја напуштил локацијата.
Можеби ќе ве интересира
Полицијата брзо реагирала и го пронашла и привела И.С. во 16:15 часот, само неколку часа по пријавата.
При претрес кај него биле пронајдени и одземени бела грутчеста и прашкаста материја, таблети, како и пиштол на дијаболи.
Од МВР информираат дека материјалите се испратени на вештачење, а по целосно документирање на случајот против приведениот ќе биде поднесен соодветен поднесок.