УАПСЕНА МАКЕДОНКА ВО ПЛАВ „Закрпила“ Црногорец за 10.000 евра за купување стан
Полицијата вели дека оштетениот во неколку наврати ѝ испраќал пари преку банка, а дека и директно во нејзино присуство ѝ предал одреден дел од парите, за наводно плаќање даноци во процесот на купување стан.
Полицијата во Плав уапси државјанка на Македонија со иницијали Е.И., под сомнение дека измамила жител на овој град за 10.000 евра, претставувајќи се дека ќе му помогне при купување стан.
Според информациите на Полициската управа, Е.И. од ноември 2023 година со лажни тврдења го доведувала во заблуда оштетениот и го убедила да ѝ предаде пари – дел преку банкарски трансакции, а дел лично, под изговор дека средствата се потребни за плаќање даноци поврзани со купопродажбата.
Можеби ќе ве интересира
По наредба на обвинителот од Основното државно обвинителство во Плав, жената е уапсена и со кривична пријава е изведена пред надлежните органи.
Од полицијата порачуваат дека борбата против економскиот криминал останува приоритет за Регионалниот безбедносен центар „Север“.