ОПШТИНА ЦЕНТАР ЌЕ ДЕЛИ ВАУЧЕРИ ЗА ВЕШТАЧКА ИНТЕЛИГЕНЦИЈА Герасимовски сака да ги поттикне младите да стекнат нови вештини
Дополнително, Општина Центар ќе ги зголеми за 50% стипендиите за талентирани ученици, а ќе продолжи и со субвенциите за полагање возачки испит и за купување велосипеди - нагласи Герасимовски.
Кандидатот за градоначалник на Општина Центар за втор мандат Горан Герасимовски најави дека Општината ќе воведе ваучери за користење на вештачка интелигенција, што ќе биде современа поддршка за младите во Центар.
– Воведуваме месечни ваучери за користење на вештачка интелигенција, со цел младите да добијат пристап до современи дигитални алатки и да ги унапредат своите знаења и вештини. Во новиот мандат вложуваме во младите преку конкретни мерки кои ќе им овозможат да го развијат својот потенцијал и да бидат подготвени за иднината – изјави Герасимовски.
Тој посочи дека особено внимание ќе биде насочено кон младите кои не се вклучени во образование, вработување или обуки.
– За оваа група креиравме програми за активно вклучување преку обуки, интерактивни работилници и волонтерски ангажмани, со цел да ги поттикнеме нивната мотивација и личен развој. Дополнително, Општина Центар ќе ги зголеми за 50% стипендиите за талентирани ученици, а ќе продолжи и со субвенциите за полагање возачки испит и за купување велосипеди – нагласи Герасимовски.