📷 📽️ СТРАШНИ СЦЕНИ ВО ТРУБАРЕВО Гори фабрика за електронски отпад, напомош вклучени два хеликоптери и „ер трактор“
Во гаснењето учествуваат еден хеликоптер на Министерството за внатрешни работи, еден хеликоптер на Армијата на Република Северна Македонија, како и еден Ер Трактор на Дирекцијата за заштита и спасување. На терен се испратени и екипи на итната медицинска помош.
Застрашувачки снимки и фотографии пристигнуваат од теренот во скопското село Трубарево, каде во моментов беснее огромен пожар кој ги зафати објектите на Ф – ГРУПАЦИЈА која се занимава со електронски отпад. Големи облаци црн чад се издигнуваат над метрополата и се забележуваат од повеќе скопски населби.
Во гаснењето се вклучени голем број екипи од Бригадата за противпожарна заштита на Град Скопје, хеликоптер на МВР, хеликоптер на АРМ, исто така е ангажиран еден „ер трактор“ за дополнителна помош од воздух.
View this post on Instagram
Директорот на Центарот за управување со кризи (ЦУК), Мухамед Али, изјави дека пожарот бил пријавен во 13:38 часот преку бројот за итни повици 112.
View this post on Instagram
– Во текот на денот, во 13:38 часот, преку единствениот број за итни повици 112 беше пријавен пожар во штала наменета за складирање на отпадни електрични материјали. Пожарот за кратко време предизвика густ црн чад и се прошири и на неколку околни објекти – рече Али.
Тој додаде дека веднаш воспоставил координација со службите за кризи и ги информирал надлежните институции за состојбата на терен.
– Од страна на операторот ЕВН беше побарано итно исклучување на електричната енергија, со цел да се овозможи безбедно гаснење на пожарот, вклучително и со употреба на воздухопловни средства – нагласи директорот на ЦУК.
На терен се ангажирани шест противпожарни возила од Територијалната противпожарна бригада на Град Скопје со повеќе од десет пожарникари, како и специјализирани возила на Дирекцијата за заштита и спасување.
– Во гаснењето учествуваат еден хеликоптер на Министерството за внатрешни работи, еден хеликоптер на Армијата на Република Северна Македонија, како и еден Ер Трактор на Дирекцијата за заштита и спасување. На терен се испратени и екипи на итната медицинска помош – изјави Али.
View this post on Instagram
Командирот на скопската Противпожарна бригада, Звонко Томевски, за медиумите потврди дека на терен работат повеќе екипи и се прават напори за локализирање на огнената стихија.
– Има голем пожар во Трубарево, зафатени се отпадни материи, се гасне со повеќе екипи – изјави Томевски.
Противпожарната бригада во меѓувреме успеа да го изгасне пожарот што претходно избувна кај старата Цементара на улицата „Горноврановска“ во Горно Лисиче, но целата екипираност сега е насочена кон огнените јазици во Трубарево.
View this post on Instagram
Засега нема информации за евентуални повредени или материјална штета, а повеќе детали се очекуваат во текот на денот.