КРВАВ НАПАД ВО ОХРИДСКИ ХОТЕЛ Скопјанец со нож повредил двајца вработени
43-годишен маж од Скопје заврши во полициска станица откако со нож повреди двајца вработени и предизвика хаос во хотелски комплекс во Коњско.
Полициски службеници од СВР Охрид го привеле 43-годишниот А.Д. од Скопје, откако вчера со нож нападнал две лица вработени во хотелски комплекс на охридското крајбрежје, во близина на селото Коњско.
Можеби ќе ве интересира
Како што соопшти Министерството за внатрешни работи, осомничениот по нападот со остар предмет врз вработените, дополнително го оштетил и хотелскиот инвентар, пред да биде совладан и лишен од слобода од страна на полицијата.
Повредените лица се пренесени на лекарски преглед, но засега не е соопштено каква е тежината на нивните повреди. Полицијата работи на целосно расчистување на случајот, а против напаѓачот ќе биде поднесена соодветна кривична пријава.