ИЗРАЕЛ ЌЕ НАПРАВИ ГИГАНТСКИ КАМП ЗА 600.000 ПАЛЕСТИНЦИ БЕЗ ДОМ ВО ГАЗА Ќе се гради хуманитарен град врз урнатините на градот Рафа
Израелскиот министер за одбрана Израел Кац посочи дека целта на изградбата на кампот е да се намали влијанието на Хамас врз населението, при што таму ќе бидат сместени стотици илјади Палестинци кои сега живеат во шатори во Ал Маваси.
Израелскиот министер за одбрана Израел Кац нареди да се изгради огромен камп за 600.000 раселени Палестинци во јужниот дел на Појасот Газа.
Тој додаде дека изградбата на кампот има за цел да ја ослабне власта на Хамас над населението во палестинската енклава. Предвидено е во кампот да бидат сместени стотици илјади Палестинци кои во моментот живеат во шатори во реонот на Ал Маваси.
Кац посочи дека кампот ќе биде изграден за време на 60-дневниот прекин на огнот, за што Израел и Хамас водат преговори. Исто така е предвидено со кампот да управуваат „меѓународни партнери“, а израелската армија да се грижи за безбедноста.
Израелскиот министер за одбрана посочи и дека се изготвуваат планови за изградба на „хуманитарен град“ врз урнатините на градот Рафа, кој е во голема мера уништен во војната.
Во Појасот Газа живеат помалку од 2 милиона луѓе, а поголемиот број од нив се раселени за време на конфликтот. Ниту една земја во светот не изрази подготвеност да прифати Палестинци од Појасот Газа.
НЕТАНЈАХУ ГО НОМИНИРАШЕ ТРАМП ЗА НОБЕЛОВА НАГРАДА Што разговараа двајцата лидери?