МУ ЗДОДЕА ДА БИДЕ СЕКОГАШ ТРЕТ НА ТАБЕЛАТА? Гасперини ќе се збогува со Аталанта

Тренерот на Аталанта, Џан Пјеро Гасперини нема намера да го продолжи договорот со италијанскиот тим.

Договорот на 67-годишниот специјалист со клубот од Бергамо е до летото 2026 година. Сепак, Гасперини не исклучи дека би можел да ја напушти Аталанта по крајот од актуелната сезона.

– Сè има почеток и крај. На крајот на сезоната ќе видиме дали ќе го доработам договорот или ќе го раскинеме. Нема да има понатамошно продолжување – ги цитира „Corriere della Sera“ зборовите на тренерот.

Во Аталанта Гасперини е од 2016 година. Под негово водство, тимот три пати освои 3. место во Серија А, а ја освои и Лигата на Европа во сезоната 2023/24.

Гасперини двапати беше признат за тренер на годината во италијанскиот шампионат – во 2019 и 2020 година.