ФБИ ГО ПРОМЕНИ СТАВОТ ЗА НАПАДОТ ВО ЊУ ОРЛЕАНС Тоа е терористички чин

Федералното истражно биро (ФБИ) соопшти дека смртоносниот напад со автомобил во Њу Орлеанс го смета за „терористички чин“.

Човекот кој го предизвика инцидентот на новогодишната прослава во Њу Орлеанс, беше убиен од полициските службеници, наведува ФБИ.

Инцидентот се случи на улицата Бурбон за време на новогодишната прослава околу 03:15 часот по локално време. Најмалку 10 лица загинаа откако човекот удри во толпа луѓе, а повеќе од 35 се хоспитализирани.

Претходно ФБИ соопшти став дека нападот со возилото не е терористички акт.

• ПОЛИЦИЈАТА ГО УБИ НАПАЃАЧОТ ОД ЊУ ОРЛЕАНС Носел експлозив, прегази 10 луѓе, ФБИ вели – тоа не е терористички напад

Сè уште нема информации за идентитетот на напаѓачот и за неговите мотиви.