СЕ ПОДДРЖУВАА 7 ГОДИНИ ЗА ДА КРАДАТ Заев, Филипче и нивните браќа од ДУИ направија милиони, а народот се исели

СДСМ и ДУИ се едно исто. И двете партии ги користат најчувствителните теми во општеството за ситни политички поени и за лично богатење на поединци, соопшти ВМРО-ДПМНЕ.

„СДСМ долго време се криеше зад флоскулата едно општество за сите, за од друга страна да ги направи најголемите и најдлабоките поделби во македонското општество. Додека го делеше македонското општествено ткиво, лицата на чело на СДСМ, како Зоран Заев и Венко Филипче и нивните браќа, правеа милиони. Исто и ДУИ додека се повикуваше на Албанците и себеси се промовираше како нивен најголем и единствен заштитник, Албанците од Македонија масовно се иселуваа. Додека од уста не ги извадија правата на Албанците, раководството на ДУИ меѓу кои Артан Груби, си ги полнеа џебовите. Артан Груби и ДУИ единствено што направија за Албанците е што ги злоупотребија, за  да се богатат“, соопшти ВМРО-ДПМНЕ.

Додека Артан Груби крадеше, ДУИ ги убедуваше сограѓаните Албанци дека се бори за нив, се додава во соопштението.

„Секој изминат ден на ДУИ на власт беше причина повеќе Албанците, исто како и Македонците, да си заминуваат од државата. Груби и ДУИ секогаш биле само и само за заштита на интересите и џебовите на поединците, а не за Албанците и најмалку за Македонците“, соопшти владејачката партија.

СДСМ знаеше за криминалот на Груби, на кој прво му даде одврзани раце да краде, па потоа му се приклучи и заеднички се богатеа на грбот на народот, посочува ВМРО-ДПМНЕ.

„И уште една причина поради која СДСМ молчеше за криминалот на Груби, е тоа што така се држеа на власт. И така, 7 години народот осиромашуваше, државата се пљачкаше, а челниците на СДСМ и ДУИ се богатеа. Коалицијата на СДСМ и ДУИ, беше криминална коалиција од интерес за ограбување на Македонија и за лично богатење на нивните луѓе. Но, СДСМ и ден денес одработува за Груби. Наместо да се дистанцира од него и да го повика да се врати, за да се соочи со правдата, СДСМ држи прес-конференции смислувајќи разно разни приказни. Наместо уште да му служат на Артан Груби, СДСМ да им се извини на македонските граѓани за сервилноста и грабежот на Македонија“, потенцира ВМРО-ДПМНЕ.