ВРЕДИ НЕ ОЧЕКУВА НЕГАТИВЕН СТАВ ЗА ЗАКОНОТ ЗА ПРАВИЧНА ЗАСТАПЕНОСТ Мислењето на Венецијанската комисија е добредојдено
Министерот за здравство, Арбен Таравари, очекува позитивен одговор од Венецијанската комисија бидејќи, како што рече, е работен со меѓународни експерти кои се кредибилни и почитувани во институциите на меѓународното право.
„Мислењето на Венецијанската комисија за законот за правична застапеност е добредојдено“.
Ова го рече министерот за здравство, Арбен Таравари, одговарајќи на новинарско прашање со кое му беше предочено дека претходно го критикувал Законот за јазици бидејќи бил испратен до Венецијанската комисија.
– Се радувам што сте сфатиле дека има закон за правична застапеност бидејќи до пред 3-4 дена се зборуваше дека нема таков закон, па дека премиерот не знае за тоа. Има готов закон кој треба да го синхронизираме и да го координираме. Нема ништо лошо ако се бара дополнително мислење. Сметам дека е неспорно овој закон да помине во Собрание што поскоро и нема ништо лошо ако земаме второ мислење – рече Таравари.
Тој очекува позитивен одговор од Венецијанската комисија бидејќи, како што рече, е работен со меѓународни експерти кои се кредибилни и почитувани во институциите на меѓународното право.