📽️ МАСОВНА УЛИЧНА ТЕПАЧКА ПО МЕЧОТ САМПДОРИЈА-ЏЕНОВА Десет лица завршија во болница

Осум навивачи се уапсени, а десет завршија во болница по судирите меѓу приврзаниците на Џенова и градскиот ривал Сампдорија во средата вечер.

По пауза од две години овие два клуба играа еден против друг, во второто коло од Купот на Италија. По 90 минути резултатот беше 1-1, а по изведувањето пенали пласман понатаму обезбеди Сампдорија.

Италијанските медиуми јавија дека пресметккуи меѓу навивачите на двата клуба се случувале во целиот град, а траеле до 3 часот наутро.

Меѓу многуте повредени навивачи, десет од нив се хоспитализирани, а повредени биле и петмина полицајци.

Голем број навивачи биле уапсени, но во меѓувреме ослободени, а осум од нив сè уште се во притвор.

25.09.2024 🇮🇹 Derby Genoa – Sampdoria. Sampdoria vs 1312 pic.twitter.com/KbAynPHi8A

— Ultrasshop.com (@ultrasshopcom) September 26, 2024