ДВЕТЕ СЕ ДЕЦА Петмина се повредени во сообраќајка во Куманово
Пет лица меѓу кои двајца малолетници се повредени во сообраќајна несреќа која вчера во 15:55 часот се случила на крстосница од Трета македонска ударна бригада“ и улицата Видое Смилевски Бато.
Во несреќата, информира МВР, учествувале автомобил „цитроен“ со кумановски регистарски ознаки, управуван од С.Т.(52) од Куманово и автомобил „хонда“ со кумановски регистарски ознаки, управуван од М.Д.(33) од Куманово.
Можеби ќе ве интересира
Во несреќата со тешки телесни повреди се здобил возачот С.Т., додека неговата сопатничка М.Т.(19), возачот М.Д и негови двајца малолетни сопатници, сите од Куманово, се здобиле со телесни повреди констатирани во Ургентен центар Куманово, велат од МВР.
По овластување на јавен обвинител извршен бил увид од увидна екипа од СВР Куманово.